வாழ்க வையகம்! வாழ்க வளமுடன்

உள்ளுணர்வு

நமது KG ஐயா பயிற்சிக்கு ஒத்துக்கொண்டால் எந்த சூழ்நிலையிலும் தவறாது கலந்து கொள்வார். கிராம மன்றம், பெரிய அறிவுத்திருக்கோயில் என்ற பாகுபாடின்றி அனைத்திற்கும் செல்வார். இடையில் நிறுத்துவதேயில்லை; விதி ஒருமுறை சதி செய்தது சென்னையில் நமது ஐயாவுக்கு பயிற்சி; காலையில் இருந்து ஏனோ தடுமாற்றம்; தவிப்பு 11:30 மணிக்கு சபையிடம் சொல்லிவிட்டு ஆழியாறு விரைகிறார். அந்த நாள் மார்ச் 28 என சொல்லவும் வேண்டுமா? நமது ஐயாவின் உள்ளுணர்வு பொய்க்குமா?

GOD OWN

பொதுவாக கடையில் சாப்பிடாமல் வீடுகளில் சாப்பிடும் வழக்கமுடையவர் நமது KG ஐயா! முதல் முறையாக ஊத்துக்குளி வரும்போது நமது வீட்டிற்கு அழைத்துச் சென்றோம்; ’ஆயில்மில் இது குடோன்’ என விளக்கினோம். உடனே நமது KG ஐயா “God own” ‘Godown’ அல்ல என்றார் தனக்கே உரிய பாணியில்: ஐயா! சிலகாலம் வீட்டிற்கு வருவதை தவிர்த்தார், வினவியபோது –ve அவை இயக்கத்தை சொல்லி சில வழிமுறைகள் சொல்லி கொடுத்தார்; அதை செய்தபின் மீண்டும் வீட்டிற்கு வர ஆரம்பித்தார்; என்னே ஒரு கருணை நமது மண்டபம் அதிகளவில் வேதாத்திரிய திருமணங்களை நடத்திய பெருமை நமது KG ஐயாவையே சேரும், தமிழகம் முழுக்க பல்வேறு திருமணங்களை வேதாத்திரிய தத்துவப்படி சிறிதும் பிசராமல் நடத்திக் கொடுத்தார். நமது திருமணத்தையும் நடத்தி தர பிப்ரவரியில் ஒப்புக் கொண்டார்கள்; பத்திரிக்கை அடித்தாயிற்று. ஜூன் மாதம் திருமணம் என்று; ஆனால் மார்ச் 28ல் மகரிஷி மஹாசமாதி; மே 2 ல் அணுக்க தொண்டரின் சமாதி; ஆனபோதிலும் அதேபத்திரிக்கை எல்லோருக்கும் அனுப்பினோம், பே: சிங்காரவேலு ஐயா நடத்தி கொடுத்தார். சூட்சுமமாய் வந்தார்கள் மகரிஷியும், நமது ஐயாவும். நன்றி ஐயா! நன்றி.