வான் காந்தம் வரவு இயற்கையாக வருவதைவிட விளக்கிலும், கண்ணாடியிலும் வருவது அதிகம். இன்னொன்றையும் சேர்த்துக் கொள்ளுங்கள். எவ்வளவுதான் நீங்கள் பயிற்சி செய்தாலும் இருக்கிற stock தான் இருக்கும். அதை improve பண்ணிக் கொள்ள கருமையத்தைத் தூய்மையாக வைத்துக் கொள்ள வேண்டும்.
தவத்தால் எவ்வளவு ஆன்ம தூய்மை, எண்ணம் தூய்மை, செயல் தூய்மை இருக்கிறதோ, எத்தனை பேர் உங்களை நினைக்கிறார்களோ உங்களால் நன்மை அடைந்து, எத்தனை பேரை நீங்கள் நினைக்கிறீர்களோ நன்மை செய்வதற்கு. ‘உதார குணம்’ என்று சொல்வார்கள். யாருக்கு நன்மை செய்யலாம், யாருக்கு நன்மை செய்யலாம் என்று நீங்கள் நினைக்கிறீர்களோ இதுதான் ஈகைக் குணம்.
உலக மக்களையே நினைத்துக் கொண்டு ‘வாழ்க வையகம் – வாழ்க வளமுடன்’ என்று நினைத்துக் கொண்டு சுயநலம் என்பது இரண்டாம் பட்சம் என்று வைத்துக் கொள்ளுங்கள். ஊருக்காக உழைப்பேன். ஓடோடி உழைப்பேன் என்ற எண்ணத்திலே இருப்பீர்களேயானால் வான்காந்தம் அபரிதமாக, தாராளமாக உள்ளே வரும். அது உங்களுக்கும் பயன்படும்.